Најновата Facebook Poke стана најпопуларна апликација на Apple App Store

Facebook во текот на минатата недела ја претстави својата iPhone апликација за боцкање. Со новата Poke апликација, која веќе е најпопуларна во App Store на Apple, на своите пријатели можете да им испратите слика, видео или едноставно да ги боцнете на одредено време.

Poke е изработена за само 12 дена, пишува Блејк Рос, водач на одделот за развој на производи во Facebook. Инспирацијата за Poke е од апликацијата Snapchat со која можете да имате чет базиран на фотографии.

Facebook Poke е посебна апликација која овозможува испраќање на текстуални, сликовити, видео пораки и фамозното „боцкање“. И бидејќи апликацијата не е поврзана со главната Facebook платформа, целата содржина и боцкања преку оваа апликација ќе бидат видливи само доколку корисникот се најави преку неа.

Исто така, фотографиите може да бидат уредувани и да се стави текст на нив, а и по колку време сакате да исчезне направената акција. Апликацијата може да ја преземете од iTunes App Store, а за какви пораки и колку sexting ќе има преку самата апликација, ќе видиме. :)