Apple, Facebook, Google и Microsoft стартуваат нов сајт за веб стандарди

WebPlatform.org е нов сајт поддржан од најголемите компании од Силициумската долина: Apple, Adobe, Facebook, Mozilla, Google, Microsoft, Opera и Nokia, кој има цел да служи како извор за информации за сите нови веб стандарди како HTML5 и CSS3.

„Сајтот е почетна точка за идни големи работи. Целта на овој сајт е да биде место за одговори за најсложените и наједноставните прашања во врска со развивањето на веб сервиси и веб дизајни на Отворена Веб Платформа.“, се вели во блогот.

Веб консортиумот W3C вели дека на сајтот може да се најде и статусот на посебни технологии, стандардизации и имплементација меѓу веб прелистувачите. Сите документи и туторијали на сајтот се доставени од членови на големите компании, развивачите, како и посетители на сајтот и ентузијастите. Текстовите се лиценцирани под Creative Commons лиценци.

[youtube]Ug6XAw6hzaw[/youtube]