Google и Mozilla работат на Chrome и Firefox за Windows 8 Metro

Google и Mozilla работат напорно за да не мора да го користите Internet Explorer на новиот Windows 8 оперативен систем.

Windows 8 за десктоп има два модови (или верзии). Првиот е стандарден десктоп како што сте го навикнале, додека вториот е Metro интерфејс дизајниран за таблет компјутери со апликации кои се отвараат на цел екран како што ќе биде и новиот Internet Explorer 10, но кој (за среќа) нема да мора да го користите.

Microsoft ќе одбира кои апликации ќе можат да се симнат за Metro, но сигурно ќе дозволи да има Mozilla Firefox и Google Chrome за Metro. Инжинерите на Mozilla велат, за Mashable, дека има три верзии на Windows 8 апликации: тие кои работат само на десктоп верзијата, Metro апликации, и Metro-oптимизиран прелистувач за десктоп, како што ќе бидат новите Firefox и Google Chrome.

„Мicrosoft има голема предност на почетокот со IE 10, но сега знаеме што може да се направи, и се надеваме дека ќе ја намалиме таа предност.“, вели Аса Дотзлер од Mozilla.

Google вели дека со новиот Chrome за Мetro ќе одат повторно на брзо, безбедно и едноставно корисничко искуство на неколку платформи, меѓу кои и десктоп и Metro верзијата на Windows 8.