Мусала Софт ја најавува конференцијата Meet the Masters by MUFFIN, конференција за технологии, иновации и меки вештини. Настанот ќе се одржи на 17.11.2018 во City Hall Center.
Keynote спикер на конференцијата е Peter Kriens кој ќе ја претстави темата “Building modular IoT with bundles. Most importantly, it works!“. Peter Kriens има долгогодишно програмерско искуство за големи компании како Ericsson, Intel, Adobe и многу други.
Освен тоа, на настанот ќе ја проследите фамозната битка на двата програмски јазици Java и .NET, на која искусни ИТ специјалисти од Мусала Софт ќе се спротистават во вербален двобој. Дополнително, на конференцијата ќе има предавања и панели за дискусија за следниве теми: Project Delivery, Declarative programming, Quality Assurance.
Meet the Masters by MUFFIN е годишна конференција, организирана од софтверската компанија Мусала Софт. Настанот, секоја година има за цел да обедини стотици софтверски инженери, ИТ професионалци и најдобри предавачи од сферата на технологии, иновации, трендови, процеси и меки вештини (soft skills).
Влезот на настанот е бесплатен, со задолжително регистрирање на веб страната.
Meet the Masters by MUFFIN нуди можност за сите посетители да се стекнат со знаење, нови вештини од ИТ областа и да поминат ден исполнет со дружба, игри и многу награди.
Напомена: IT.mk е медиумски партнер на настанот.
