Истражувач пронајде пропуст во „WebKit“ на Apple што овозможува секој пат кога корисникот ќе пристапи на страница или апликација да се рестартира уредот.
Искористувањето на пропустот е едноставно и потребни се неколку реда код. Вгнездувањето на куп елементи со „backdrop filter“ во CSS ќе ги искористи сите ресурси на уредот и телефонот ќе исклучи и ќе се рестартира. Кодот може да го погледнете на Github.
„Сè што рендерира HTML iOS е зафатено“, вели Сабри Хадуч за TechCrunch.
How to force restart any iOS device with just CSS? 💣
Source: https://t.co/Ib6dBDUOhn
IF YOU WANT TO TRY (DON’T BLAME ME IF YOU CLICK) : https://t.co/4Ql8uDYvY3
— Sabri (@pwnsdx) September 15, 2018
Интересно, пропустот е присутен единствено на iOS. Microsoft Edge на пример користи „backdrop filter“, но прелистувачот едноставно го прекинува процесот по неколку обиди.
Лоша вест е дека и на најновата верзија на оперативниот систем iOS 12 бета, телефонот се гаси или се рестартира. За среќа освен непријатноста, нема друга опасност. Пропустот не овозможува простор со кој некој напаѓач би дошол до податоци на корисникот или би се здобил со контрола врз уредот.
