НЛБ Банка и Valoso Hub ги повикуваат сите заинтересирани на хакатон натпревар. Настанот е закажан за 22 и 23 април во просториите на Valoso Hub.
Целта на хакатонот е преку иновативно решение да се намали бројот на корисници кои физички доаѓаат во банката. Корисниците можат и да крeираат нов сервис или да популаризираат некои од онлајн услугите на банката. Конечно, развивачите можат и да најдат решение кое ќе привлече помлади корисници.
На натпреварот може да се пријават поединци и тимови од тројца. Овој пат најважна ќе биде практичната имплементација на решението и ќе носи 30% од поените; потоа следи иновацијата, 25%; оригиналност/креативност, 20%; стратешко размислување 15% и аналитички вештини 10% од вкупниот број на поени.
Победниците на хакатонот ќе добијат WonderTech Voyager Drone. За изборот на најдобро решение ќе се погрижи четиричлено жири, а победниците ќе бидат известени на 25 април. Секако самото искуство од учество на хакатонот е најголема награда за сите учесници. Сите заинтересирани треба да се регистраат за хакатонот.
