Хрватска го прослави Денот на планетата Земја со отворање на стотиот полнач за електрични автомобили. Јубилејната станица во Св. Иван Зелин е прва на оваа локација, иако не и во загрепската општина, јави Netokracija.
Објавен е и сајт со локација на сите полначи, со цел да се информираат возачите на електрични автомобили и да се креира мрежа која ќе овозможи непречено возење и полнење, а со тоа ќе ги мотивира возачите да купат електрични возила. Новата станица е дел од регионалната eRoaming платформа во која се вклучени 300 полначи во Хрватска и Словенија. Возилата пријавени на оваа платформа можат да се полнат бесплатно на овие полначи 24 часа во денот.
За споредба, во Македонија пред една година беше поставен првиот електричен полнач.
