Роботите развиваат слични навики со луѓето. Како и секој збунет корисник кој не ги знае сите детали за рецептот или најдобриот начин да склопите плакар, така и роботите ќе одат на YouTube за да учат од видео туторијалите. Најверојатно доколку веќе сте биле на YouTube во потрага по помош сте забележале дека не сите видеа помагаат.
Но, за разлика од луѓето роботите можат да ги изгледаат буквално сите видеа и да креираат база од навистина корисни податоци кои се повторуваат на повеќе од туторијалите. Овој систем на учење е наречен Robo Watch и доаѓа од Универзитетот Корнел.
Алгоритмот кој го овозможува ова е донекаде очекуван и прилично е едноставен, иако потполната реализација без сомневање е комплексен процес. Кога роботот ќе се соочи со проблем, на пример „Како да направам омлет?“ ќе испрати барање до YouTube, од платформата ќе преземе куп видеа заедно со титл, кои понатaму ќе ги раздели на сегменти и ќе ги подреди по чекори. Овие чекори и делови понатаму се спојуваат во една целина, листа која роботот може да ја следи.
