Најверојатно Universal Translator од Star Trek е првата работа која ќе ви падне на памет кога прв пат ќе го видите The Pilot, уредот за симултан превод од Waverly Labs.
Уредот е супер интересна иновација која овозможува превод во реално време, а составен е од три дела, две слушалки и паметен телефон. Паметниот телефон се користи единствено за избор на јазик и инсталирање на јазикот на слушалката, понатаму не учествува во комуникација или во преводот. Она што Pilot го овозможува е непречена комуникација на неколку јазици, соговорниците се разбираат сo помош на уредот, како да разговараат на истиот јазик. Проблемите би можеле да се појават кај потврдите дијалекти, но во иднина и ова би требало да биде надминато. Првите јазици кои ќе можат да бидат преведувани се: англиски, шпански, француски и италијански. Најавени се и неколку азиски јазици, хинду, израелски, словенски јазици, арапски, но и африкански јазици. Јазиците кои дополнително ќе се додаваат ќе бидат бесплатни.
The Pilot започнува со претпродажба на Indiegogo на 24-25 мај, првите уреди ќе се продаваат за 130 долари, а потоа цената постепено ќе расте. Во продавница уредот би требало да се појави наесен и ќе чини помеѓу 250 и 300 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
