Tesseract Interactive 
Првата македонска видеоигра конечно има дата на издавање. Excubitor, ќе биде достапна од 26 мај на Steam за Windows, Mac и Linux. Excubitor е дело на скопското студио Tesseract Interactive кои ќе ја издадат играта со помош на Kasedo Games. Студиото е еден од ретките македонски проекти кои успешно го поминале патот од хоби, до проект до акцелератор до реализација и продажба. Во 2013-та година стартапот доби 30.000 евра инвестиција од LAUNCHub, кои му помогнаа да стане првата македонска игра на Steam. Втората македонска игра на Steam е Raining Blobs.
Excubitor е научно-фантастична tower defense игра во која играчите можат да играат со неколку различни вселенски бродови, а целта е да се заштити иднината на Земјата. Играчите најпрво ги поставуваат кулите, а потоа и управуваат со Hammerhead леталото во одбрана на системите. Освен стандардните нивоа во кои ќе треба да се совладаат роевите дронови кои надоѓаат, има и босови, па играта ветува навистина многу, многу забава. Excubitor е достапна од 26 мај на Steam и ќе чини 20 долари/евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
