Twitter конечно ќе им овозможи на корисниците да споделат снимено видео во директна порака. Функционалноста е достапна истовремено на iOS и Android и тоа во целиот свет. Корисниците можат да снимаат и споделат видео директно од апликацијата, но не и од веб страницата. Новитетите ќе помогнат Twitter да биде поинтересен, а од компанијата се надеваат дека ќе им помогне да да се справат со падот на активноста и намалување на бројот на нови корисници, вели Verge.
Starting today, you can capture & share videos in your Direct Messages. It’s rolling out globally on iOS & Android. pic.twitter.com/b5CgWyTQ3H
— Twitter Support (@Support) February 17, 2016
Друштвената мрежа има добри вести и за компаниите, на кои ќе им помогне поедноставно да комуницираат со своите клиенти, кои често комуникацијата ја започнуваат на јавни канали на Twitter. За жал, функционалноста нема да им биде достапна на сите, туку единствено на одбрани брендови. Од Twitter најавуваат дека работат и на интеграција со алатките на своите партнери. „Директните пораки се одличен начин за корисниците да можат да комуницираат со компаниите. Грижата за корисници често започнува преку твитови, а потоа се префрла во приватни канали кога се потребни лични податоци за корисниците. Правиме сѐ да ја олесниме оваа транзиција преку еден клик“, вели Twitter на својот блог.
