години. 
Студиото Time Warner се договори со Snap. Договорот за рекламирање и за оригинална содржина, што го потишаа двете компании е проценет на околу 100 милиони долари, јави Wall Street Journal.
Договорот го обврзува Time Warner да креира 10 оригинални шоу програми за Snapchat годишно. Компаниајата се обврзува да купи и рекламен простор за HBO, Turner и Warner Bros на друштвената мрежа. Засега договорот е во период од 2 години.
„Ова партнерство е уште еден возбудлив чекор за нас. Продолжуваме со разгранувањето во нови жанрови, драма, комедија, дневни шоу програми, документарни серии и повеќе“, вели Ник Бел од Snap.
Станува збор за навистина куси серии и програми со траење помеѓу 3 и 5 минути. Snap има договори со повеќе компании од забавната индустрија и спортот. Time Warner ќе им се приклучи на ABC, NBC, ESPN, NFL и повеќе други креатори на содржина.
Засега е нејасна содржината која Time Warner ќе ја понуди на Snap. Останатите шоуа и музички емисии овозможуваат кус преглед зад сцената или дополнување на оригиналната програма. Спортските канали и лиги овозможуваат споделување на најдобри моменти од натпреварите. Слично, на концертите на музичките ѕвезди, корисницните на друштвената мрежа ќе можат да ѕирнат зад и на сцената.
Snapchat е една од највозбудливите друштвени мрежи во моментов. Најголема предност на друштвената мрежа е што успеа да ги привлече новите генерации. Тинејџерите полека го го губат интересот за Facebook, а токму оваа публика е најбројна на Snap. Сепак, иако постојано пронаоѓа нови начини за монетаризација компанијата сè уште работи со загуби. Компанијата во трите месеци пред мај загуби 188 милиони долари.
