Што се случува кога ем сакате вселенски игри со уништување бродови, ем сакате да пишувате? ZType е веб сајт кој ве мотивира да научите да пишувате побрзо така што ги комбинира баш овие две работи!
Вашиот брод се наоѓа на долната страна од екранот, а најразлични зборови паѓаат од горната страна. Ваша задача е да ги напишете зборовите кои паѓаат за да вашиот брод благовремено ги уништи непријателите. Стазите се кратки, но секоја наредна стаза е за нијанса потешка. За среќа, на располагање имате и специјални EMP бомби кои ги уништуваат сите непријатели од непосредна близина.
Покрај тоа што ZType е достапна на веб сајтот, слична верзија имате и за iOS, но искуството при пишувањето на виртуена тастатура е значително поразлично од пишувањето на физичката.
