Evernote е одамна докажана алатка за земање и правење белешки. Со неа, можете да зграпчите и сочувате најразлични содржини од и-мејлови, веб страни, како и да прикачувате фотографии, да пишувате најразлични идеи, да правите целосни организации на комплексни проекти и многу повеќе.
Evernote отсекогаш била блиску до врвот, веднаш до гигантите како Google Keep и OneNote. Како последен обид за зграпчување на тронот е излегувањето на десеттата верзија за чија изработка е почнато од почеток. Evernote сега има целосно нов и попрегледен интерфејс, дополнителни алатки за форматирање, мрачен режим, како и побрз процес на пребарување.
Секој пат кога ќе поставите содржина, алатката автоматски ја процесира, индексира и ја оспособува за целосно и побрзо пребарување. Скоро сите алатки во Evernote 10 се целосно преработени, но поради драстичните промени кои се наметнати од верзијата 10, некои алатки и можности недостасуваат и ќе бидат вметнати во идна прилика.
А, во случај да барате уште една интересна алтернатива на Evernote, прочитајте за TreeNote.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
