Wordle е веб сајт за сите љубители на зборови кои сакаат да ги размрдаат сивите ќелии и да пробаат да погодат некој збор од пет букви. Принципот е едноставен. Пишувате каков било збор од пет букви, на англиски. Потоа полето на буквите се бои, или во сива, или во зелена, или во жолта боја. Ако буквата е во сиво поле, тоа значи дека таа буква ја нема во зборчето кое треба да го погодите. Ако е во жолто поле, тоа значи дека буквата ја има, но местоположбата треба да ѝ се промени. Ако некоја буква се наоѓа во зелено поле, тоа значи дека сте и ја погодиле местоположбата и потребно е да се фокусирате на другите букви.
Звучи интересно, нели? Проблемот е во тоа што имате само шест обиди да го погодите замислениот збор, а тоа што зборовите се на англиски би можеле да претставува дополнителен проблем. Во тој случај, насочете го вниманието на Зборле. Зборле, е Wordle, но за македонски зборови.
Кликнување на прашалникот ви дава кратки објаснувања за играта, а кликнување на симболот со трите столбови дава статистички увид за вкупен број обиди, прецентуална успешност, моментална низа и најдобра низа.
Пријатно ловење зборови!
Loading new replies...
Приклучи се на дискусијата на IT.mk | Форум →