Светската здравствена организација на почетокот на годината најави дека на листата зависности ќе го додаде и гејмингот. Сега ова е и официјлизирано и на листата на Светската здравствена организација за прв пат се појави и зависноста од гејминг.
Она што треба да се забележи е дека станува збор за класифицирање на прекумерното играње како зависност. Умереното играње секако не е на оваа листа.
За некој да се дијагностицира како зависник треба да исполни некој од трите „услови“:
- Недостаток на самоконтрола кога играњето видеоигри е во прашање.
- Зголемен приоритет на гејмингот. Односно гејмингот има поголем приоритет од голем дел од активностите.
- Продолжување и зголемување на играњето и покрај негативните последици.
Сепак треба да се направи јасна разлика помеѓу гејмери и гејмери зависници. Дури и хардкор гејмерите тешко дека ќе бидат сместени во оваа категорија.
„Милиони гејмери од целиот свет, дури и кога станува збор за интензивно играње никогаш нема да се квалификуваат како зависници. Бројката на ависници е ниска.
Мора да истакнам дека ова е здравствено пореметување, и мора да се направи клиничка дијагноза од медицински професионалци кои се обучени за ова“, вели др. Владимир Познијак за CNN.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
