Сите оние кои бараат адреналински фикс во прво лице, би требало да ги насочат треперливите прсти кон Quake Champions.
Со желба да привлечат што е можно повеќе играчи, Bethesda реши да го продолжи промотивниот период за уште една недела и сите оние кои ќе ја инсталираат играта до 25.јуни ќе можат бесплатно да ја играат цело време додека играта е дел од раниот пристап на Steam. Имајте во предвид дека Quake Champions е замислена да биде бесплатна за играње, и доколку не сакате да ја проверувате незавршената верзија, се што треба е да почекате да излезе финалниот продукт кој, повторуваме, ќе биде бесплатен за сите.
Во случај да сакате да проверите до каде е играта и ви се допадне виденото, од срце ви препорачуваме да си се почестите со Quake Champions Champions Pack. Со 34% попуст, овој пакет ви дава инстантен пристап до сите моментни и идни Quake шампиони, како и три кутии со плен, екслузивен изглед и можност да играте во custom игри.
Наше мислење е дека id Software имаат направено одлична работа со Quake Champions и арена шутери фанатиците дефинитивно не би требало да го заобиколат овој наслов.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Ve molam postirajte pomalku za igri.