Aко ви треба забава во овие летни горештини, тогаш можеби најдовме решение. Од 11 јули започна традиционалната летна распродажба на Steam. Со попусти од 33 до 90 отсто најголем број на игрите се достапни за цена под 10 евра, а ако почекате можеби ќе успеете и да ги купите за ценa од стотина денари. Стандардно дел од игрите се на дневна понуда, а дел на „flash“-распродажба која трае неколку часа.
Распродажбата завршува на 22 јули што значи дека имате десетина дена за користење на супер попустите на Steam и одбирање на супер игра за разонода летово. Очекувано, серверите на Steam се под опсада, па можеби ќе биде потребно да се обидете неколку пати пред да успеете да ја вчитате страната.
Во моментов на попуст се Bioshock Infinite за 30 долари, наместо 60, Defiance има 66 отсто попуст и чини 13,5 долари, Left For Dead 2 чини 5 долари, и ќе има попусти за The Elder Scrolls V: Skyrim, Endless Space, Mars: War Logs, Hotline Miami, Scribblenauts Unlimited… Затоа правец кон Steam и грабнете се што ви се допаѓа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
