Отвореноста на Android за „custom ROM“ на уредите е една од омилените можности на многу корисници. За жал, на крајот на минатата години еден од тие омилени custom ROM-ови, Cyanogen OS, престана да постои. Ова не беше добра вест за сите кои се навикнаа на некои од можностите и нагодувањата на Cyanogen.
За среќа наследникот на оперативниот систем Lineage OS е веќе достапен. Оперативниот систем е базиран на Android 7.1 и Android 6.0 (ова зависи од уредот на кој ќе се користи). На почеток оперативниот систем беше достапен на неколку телефони:
- Nexus 5X,
- Nexus 6P,
- Moto G4/G4 Plus,
- Nextbit Robin
и Xiaomi Redmi 1S.
Веќе на листата има и нови Android уреди за кои е поддржан LineageOS. Најавена е поддршка за вкупно 80 уреди.
Новиот оперативен систем ќе доаѓа со нов „build“ еднаш неделно, велат креаторите на блогот на Lineage.
Како и Cynogen и Lineage OS е со отворен код па сите заинтересирани можат да помогнат во неговиот развој. Досега OnePlus One се телефони со најмногу инсталации на Lineage OS (10.912). Следат Xiaоmi Mi5 (4.230) и OnePlus 3 (3.675), јави Android Authority.
Ако сте едни од првите кои веќе го користат Lineage OS, помогнете им на останатите читатели и споделете го вашите искуства и препораки во коментарите.
