Бразилецот Хуго Бара кој на почетокот на оваа недела најави дека го напушта Xiaomi и се враќа во Силициумската Долина, се приклучи на Facebook. Г. Бара ќе биде задолжен за одделот за развивање на виртуелна реалност, вклучувајќи го и Oculus Rift, објави Марк Закерберг, на својот Facebook профил.
„Хуго го дели моето мислење дека виртуелната и проширената реалност ќе биде следната платформа. Ќе ни овозможат да искусиме потполно нови работи и да бидеме покреативни од било кога. Хуго ќе ни помогне да ја изградиме оваа иднина и јас сум среќен што е во нашиот тим.“
Претходно г. Бара работеше како потпреседател на Android во Google, а до пред неколку дена беше потпреседател во Xiaomi. Според објавата на основачот на Facebook, тие двајца се пријатели подолг период, уште од деновите кога Бара беше дел од Google. Во Xiaomi, Хуго Бара помогна во развојот на Mi VR.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
