Youxia X е кинеско електрично возило одговор на возилата кои ги изработува Tesla Motors. Возилото потсетува на Model S, иако кога дизајнот е во прашање компанијата позајмува и од Lexus, Audi и Maserati, вели Mashable.
Автомобилот прв пат е претставен минатата недела, а негов креатор е 28 годишниот Јуанг Ксиујан. Првите модели би требало да се произведуваат во 2016 година, а да се појават во продажба во 2017-ма, што значи дека ќе бидат директна конкуренција со третиот модел на Tesla Model S кој е најавен за следната година. Конкурентна ќе биде и цената – возилото на Tesla чини 35.000 долари, а Youxia X ќе чини од 32.000 до 48.000 долари. Како и Tesla Model S, центарот на ентериерот на Youxia X e огромниот 17,3-инчен таблет кои се користи и како командна табла. Сепак кога перформансите во прашање Tesla е супериорен. Youxia X забрзува до 100 километри за 5,6 секунди, Tesla забрзува за помалку од три. Со едно полнење на батериите Youxia X може да помине 270 километри, за разлика од Model S кој поминува речиси двојно, 480 километри.
Без разлика што станува збор за возило кое барем по сегашните перформанси не може да му парира на Model S, поголемиот број на производители на електрични автомобили се добредојдени во автомобилската индустрија и ќе ги мотивира и двете компании на натпревар, во кој најголеми добитници ќе бидат возачите на електрични автомобили.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
