Често кога ќе отвориме некое видео на YouTube помеѓу првите коментари се наоѓаат мислења од тролови и сл., што воопшто не не интересираат, ниту имаат поврзаност со самото видео. YouTube, заедно со тимот кој работи на Google+, започна со претставување на новиот систем со кој се понудени подобри опции за модерирање на коментарите. Со новиот систем, најгоре од коментарите ќе се наоаѓаат најрелевантните коментари и тие од самиот прикачувач на видеото.
„Во моментот најгоре ги гледате коментарите од некои рандом луѓе. Во новиот систем таму ќе се наоѓаат најзначајните дискусии за вас. Ние се обидуваме да се префрлите од коментарите на значајни дискусии”, вели Нунду Јанакирам од YouTube.
Отсега па натаму ќе влијаат три фактори врз тоа дали некој коментар е значаен или не: поврзаноста со заедницата, позитивните гласови за одреден коментар и репутацијата на корисничките коментари. Во случај доколку неколку ваши коментари се пријавени како несоодветни, голема е веројатноста вашите коментари воопшто да не се појават на сајтот. Бидејќи новиот систем е поврзан со Google+ профил, како едни од поважните коментари ќе бидат истакнати и тие од луѓето што ги имате во вашите кругови. Но, тоа не значи дека ќе мора да го користете вашето вистинско име и презиме. Сè уште е достапна можноста да користите некој псевдоним. Дополнително, на креаторите на видеата им се дава можност за лесно блокирање на коментарите од одредени корисници, како и отстранување на коментари според одреден клучен збор.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
