XO-Infinity е лаптоп креиран по идејата за модуларни телефони, на пример Project Ara на Google. Според најавите станува збор за евтин, издржлив и штедлив лаптоп кој е наменет за студенти, а иако ќе биде достапен насекаде, првите пазари ќе бидат во државите во развој. Идејата е на учениците да им понуди лаптоп кој ќе можат да го користат во текот на своето образование, но и да ги заменеат компонентите кога за ова ќе се појави потреба.
Јадрото на XO-infinity ќе биде основа на која ќе можат да се поврзат најразлилни компоненти, од дисплеј до тастатура. Се разбира може да се заменат и процесорот, па дури и оперативниот систем кој може да биде Linux, Windows или Android, вели liliputing. Дополнително може да се заменат и батеријата, безжичниот модул, а за ова нема да бидат потребни специјални алатки, всушност склопувањето ќе биде толку едноставно што ќе може да го склопи и четиригодишно дете.
Според најавата уредот ќе биде достапен во 2016 година, а до тогаш компанијата има план да се представи со краудфандинг кампања со која би собрале средства за производство на компјутерот.
