Windows Phone со 8.1 Blue надградбата ќе има swipe тастатура. Microsoft работи на интегрирање на тастатура за Windows 8.1 со која ќе може да се пишува со движење на прстите, не со куцање, а благодарение на сајтот Unleash the phone, веќе може да видиме и како ќе функционира тастатурата. Слично како и Android тастатурата, корисниците ќе го пишуваат текстот со повлекување преку дисплејот и запирање. Покрај ова тастатурата овозможува автоматско почнување на речениците со голема буква, препораки за емотикони во зависност од употебените зборови. Заедно со нотификациите и гласовниот асистент Cortana, доаѓа и вметнување на позадини, префрлање на апликациите на SD картички, паметна синхронизација на имејл и уште подолга листа на промени и дотерувања. Јасно е дека Windows Phone 8.1 ќе биде голема надградба, а оперативниот систем се движи во вистинска насока.
[youtube]PEdVSMrs0Rw[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
