На 18-ти јануари Wikipedia на англиски јазик ќе се приклучи на неколку популарни сајтови, меѓу кои и Reddit, и ќе се исклучи глобално за 24 часа во протест против предлог-законите Stop Online Piracy Act (SOPA) и Protect IP Act (PIPA) кои се наоѓаат на гласање пред американскиот Конгрес.
Student warning!Do your homework early.Wikipedia protesting bad law on Wednesday! #sopa
— Jimmy Wales (@jimmy_wales) January 16, 2012
Двaта закони предизвикаа негодувања од големи ИТ компании бидејќи со нив компаниите и властите ќе добијат моќ да извршат притисок врз интернет провајдерите и интернет пребарувачите да изгасат цели сајтови со нелегална содржина. Според овие закони, провајдерите ќе бидат одговорни за сајтовите и ќе треба да набљудуваат каква содржина се споделува, што би можело да значи и успорување на иновацијата.
„Ако се прифатат, овие легислативи ќе го повредат слободниот и отворен Интернет и ќе допринесат кон нови алатки за цензура на интернационалните веб сајтови внатре во Соединетите Држави.“, вели Wikimedia фондацијата.
Исклучувањето на енциклопедијата ќе биде глобално со цел да се подигне свеста кај сите заедници за опасностите од интернет цензура.
Wikipedia e 6-тиот најпопуларен сајт во светот, со над 25 милиони посетители дневно. Според основачот на Wikipedia, Џими Велс, ова ќе биде неверојатен „wow“ потег кој се надева дека корисниците ќе ги „стопат“ телефоните на американските сенатори за да го искажат незадоволството од законите.
This is going to be wow.I hope Wikipedia will melt phone systems in Washington on Wednesday.Tell everyone you know!
— Jimmy Wales (@jimmy_wales) January 16, 2012
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
EmbedSocial 
