Иако не е никакво изненадување дека во ИТ секторот најголем број вработени се млади мажи, анализата на PayScale покажува дека ретко кој друг сектор е блиску до младоста како што е ИТ индустријата, пишува New York Times.
Медијаната на вработените во технологијата е 35 години, што значи дека бројот на вработени помлади од 35 е еднаков со бројот на вработени кои се постари од 35 години. Дури 70 отсто од вработените се мажи, а за жените остануваат само 30 отсто од секторот. Интересно медијаната за сите сектори во САД е 42,3 години. Помлади од вработените во ИТ секторот се вработените во продавници за чевли и ресторани. Очекувано, компаниите со поголема традиција имаат и постари вработени, а тоа се Hewlett-Packard (41), IBM и Oracle (38), Dell (37), и Sony и Nokia (36). Најмлади компании се Epic Games (26), Facebook и Zynga (28), Google (29), а помлади од 30 се и Blizzard Entertainment, InfoSys и Monster.com.
Забележан е тренд дека компаниите кои сакаат да иновираат бараат помлади вработени кои се во тек со новите технологии. Па ако постарите генерации имат познавање од C# и SQL, генерациите кои доаѓаат знаат Python, друштвени мрежи и Hadoop, вели Кети Бардаро, главниот аналитичар на PayScale.
Истата студија покажува дека Amazon (без вработените во магацините) е најнапорната компанија за работа во САД. Половина од вработените во Amazon ја напуштаат работата по само една година. Веднаш за нив е Facebook со 1,1 година. Најдолго се задржуваат вработените во IBM, Intel и Oracle, во овие комании медијаната на должина на вработувањето е шест години.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Асоцијација за е-трговија 
Symphony Solutions 
