САД ќе и исплати 50 милиони долари на компанијата Apptricity, бидејќи пиратирала илјадници копии од нивниот софтвер, јавува BBC. Apptricity развива софтвер за логистика за Армијата на САД од 2004 година, но војската го користи на далеку поголем број на компјутери отколку што има лиценци.
Според податоците на Apptricity, софтверот е купен со 500 лиценци, а го користеле над 9.000 војници. Софтверот кој го произведува компанијата се користи за следење на војската и на снабдувањето. Компанијата бараше 224 милиони долари за оштета, но сепак се сложија за 50 милиони долари кои ќе бидат вложени во развој. Интересно пиратеријата на војската на САД ќе останеше непозната доколку на прес-конференција учесниците не објавеа дека софтверот го користат илјадници војници.
„Apptricity е возбудена што ќе може судската разрешница да ја искористи како катализатор, за агресивно инвестирање во нашиот тим, нови решенија и неискористени пазари.“ вели финансискиот директор на Apptricity, Ренди Либерман.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
