Поминаа две години откако VLC беше тргнат по своја иницијатива од Apple App Store поради проблеми со лиценците. Но, сега популарниот видео плеер се врати, а со него се враќа и можноста да гледате видео и слушате музика без врска на форматот на фајловите. iOS апликацијата ги поддржува сите формати како што ги поддржува и десктоп апликацијата.
Со новиот VLC за iOS сега ќе може да префрлите филм на вашиот iPhone или iPad преку URL, Wi-Fi синхронизација или од Dropbox со кој пристапувате на фајловите во облакот. Го тестиравме симнувањето преку Wi-Fi и имавме доста проблеми со симнувањето на филм од 700 MB, се додека се сфативме дека апликацијата треба да биде постојано отворена. Ако ви се заклучи телефонот, ќе се прекине и синхронизацијата. Но, тоа што е добро е што апликацијата поддржува и преводи доколку ви се потребни, a има и опции за средување на квалитетот на видеото како контраст, светлоста и друго.
Проблемот со лиценците е решен така што VideoLAN, компанијата зад софтверот, се префрли на Mozilla Public Licence v2 и GPLv2, што дозволува дистрибуција на App Store. Софтверот е комплетно бесплатен и со отворен код.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
thanks for the post
Преводи се тоа, не субтитлови.