Прелистувачот Vivaldi, особено најновата верзија, е исклучително солидна алтернатива на популарните интернет прелистувачи. Лансиран во февруари 2015 година, прелистувачот имаше за цел да понуди поприлагодлива алтернатива на Opera, но сега е и одличен избор за тие што се презаситени од бавната функционалност на Chrome или Firefox.
Прелистувањето преку Vivaldi е олеснето благодарение на опцијата tab stacking во кој бил агол на прозорецот, како и опцијата за повеќе прозорци во еден.
Моментната верзијата, 1.4, оди еден чекот понапред и нуди 90 нови гестови со глувчето, опција да пребарувате кој било сајт од полето за адресата, а и подобра контрола врз приватноста.
Во поглед на останати прилагодувања, можете да ја менувате и местоположбата на одредени елементи како полето за пишување адреси или пак поставување на табовите на дното или од страна на прозорецот. За искажување на вашата индивидуалност имате на располагање бројни теми, а за сочувување на важни работи ја имате на располагање алатката notes, која, слично на таа во Microsoft Edge, ќе ви дозволи да копирате корисни текстови на посебен панел за забелешки, заедно со линк од сајтот, па дури и скриншот.
За крај, најновата верзија се одликува и со подобрена Quick Commands (F2) опција која ви дозволува да пребарувате отворени табови, но и омилени и претходно посетени страни како и опции на прелистувачот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
