Следната година ќе започне продажбата на повеќето уредите за вирутелна реалност кои најавуваат револуција во видео игрите, но и во други комерцијални и забавни индустрии. Додека гејмерите со нетрпение го очекуваат Oculus Rift, бизнис сектор и инвеститорите прогнозираат дека овој пазар ќе расте во следните 5 години.
Во својата анализата, Business Insider Intelligence, предвидува дека уредите за виртуелна реалност ќе направат бум кој во 2020-та година ќе вреди 2,8 милијарди долари. За оваа година се проценуваат „скромни“ 37 милиони долари заработувачка од продажбата.
Што се однесува до цената, анализата вели дека уредите за виртуелна реалност ќе бидат конкурентни и ќе бидат во ист ранг со паметните часовници. Растот на продажбата барем во почетокот се предвидува да биде благодарение на гејмирите, што ќе биде првичниот пазар, но понатаму за виртуелната реалност ќе бидат заинтересирани сите од гледачите на VR-филмови, па се до корисниците кои сакаат подобро искуство со онлајн шопинг.
Тоа што барем за сега е непознато е кој од веќе најавените уреди ќе ја освои битката за доминација на пазарот. Oculus VR има мала предност, но Project Morpheus има предност поради интеграцијата со најпопуларната конзола PlayStation. Не треба да се исклучи од трката ни HTC Vive кој е во партнерство со најголемата продавница за видеоигри, Steam.
