Intel ја најави новата генерација процесори Skylake кои се изработени со 14 nm технологија и наменети за гејмерите. Се работи за два процесори i7-6700K и i5-6600K кои се отклучени за оверклоукување. Процесорите имаат работна фреквенција од 4.0 GHz и 3.5 GHz, но можат да се оверклоукуваат до 5 GHz. Бројките изгледаат импресивно, но за жал разликата во перформансите е околу 10 отсто.
За разлика од претходната Broadwell серија на 14nm процесори кои се направени да бидат штедливи, Skylake се наменети за гејмерите кои сакаат да ги „исцедат“ перформансите на својата машина во целост, вели Engaged. Цената на i7-6700K ќе биде околу 350 долари, а i5-6600K околу 243 долари. Дополнителен проблем е што Skylake процесорите ќе доаѓаат на LGA 1151 сокет што значи и промена на матичната плоча.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
