Qbo, робот со стереоскопска визија кој во себе има софтвер за препознавање на објекти и лица, развиен од компанијата TheCorpora, се препозна самиот себе во огледало.
QBO, чиј код е слободен, е мал робот со вештачка интелигенција создаден за домашни потреби. Целта на креаторите е да создадат робот кој би служел како милениче. QBO располага со стереоскопска визија (2 веб-камери кои препознаваат лица, длабочина на слика, објекти, бои, мапи и сл.), систем за говор и препознавање на говор (засега само англискиот е поддржан), интернет конекција преку Wi-Fi, ултразвучни сензори преку кои успева да избегне објекти и падови и сл.
Од TheCorpora велат дека идејата за овој мал експеримент дошла откако било споменато дека само човекот, делфините и некои видови на мајмуни можат да се препознаат самите себе во огледало… Повеќе детали за како QBO успева да се препознае во огледало може да пронајдете на нивниот блог.
