Dorset Council, во соработка со Lilli, ја надгледуваат добросостојбата на постарите пациенти преку користење вештачка интелигенција. Во времетраење од три месеци, пациентите ќе имаат шест до девет сензори во нивните домови, но не и камери. Сензорите ќе можат да детектираат секојдневни активности, како отворање фрижидер или готвење, но и невообичаено или загрижувачко однесување, како често одење во тоалет за време на ноќта.
Компанијата Lilli, која е заснована во Велика Британија, смета дека со нивната технологија значително ќе се намали бројот на домашни посети од страна на здравствените работници, со што се намалуваат трошоците на Dorset Council. Според некои нивни пресметки, доколку сензорите глобално се распространат и непречено функционираат, ќе се заштедат 250 000 фунти, на годишно ниво.
Од една страна, претставник од Lilli објаснува дека со нивната технологија значително ќе се намалат трошоците на здравствените институции затоа што сензорите во реално време ја следат ситуацијата директно во домовите на постарите лица, но од друга страна, многу експерти реагираат дека ваквото нешто значително ќе ја зголеми осаменоста. Според експертите, постарите лица се чувствуваат многу подобро по извршена посета кај лекарот.
За да се инсталираат сензорите во домовите, потребна е писмена дозвола или од постарите лица кои живеат тука или од ополномоштени лица. Податоците кои се извлекуваат со сензорите се шифрирани и до нив има пристап само компанијата која ќе се грижи за лицата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
