По долги години здодевност, Mobile World Congress во Барселона повторно е интересен. Главна причина за ова не е некој нов телефон или импресивен хардвер, туку презентацијата на надградбите на Gemini вештачката интелигенција кои се достапни на телефоните.
На MWC во Барселона, Google го стави фокусот на демонстрација на напредните можности на својата вештачка интелигенција. До сега наинтересни се презентациите на Gemini Live. Претставија две клучни функционалности: Gemini Live со споделување на екран и Gemini Live со видео.
Со Gemini Live со споделување на екран, корисниците можат да го споделат својот екран со Gemini. Од вештачката интелигенција ќе добијат совети или информации во реално време. Gemini Live со видео, им овозможува на корисниците да користат видео во живо за да комуницираат со Gemini. Може да поставуваат прашања и добиваат одговори врз основа на она што се гледа во видеото.
Google ја нагласи интеграцијата на вештачката интелигенција во Android. Компанијата покажа како Gemini Live може да се користи во секојдневниот живот. Фокусот на презентациите е на практичната примена на вештачката интелигенција. Демонстрациите беа за тоа како да се користи за да се обезбедат корисни совети и информации со споделување на екран и видео.
Gemini Live со споделување на екран (Gemini Live with Screenshare)
Gemini Live со споделување на екран е нова функција претставена од Google на MWC во Барселона. Им овозможува на корисниците да споделат содржина од нивниот екран директно со Gemini Live. Ова значи дека Gemini може да „види“ што гледа корисникот на нивниот уред. Откако екранот е споделен, корисниците можат да поставуваат прашања или да бараат информации од Gemini во врска со содржината што се прикажува. Gemini потоа ја анализира содржината на екранот и обезбедува одговори или совети. Google даде пример каде корисник споделува екран со веб-страница со облека, и потоа бара од Gemini модни совети во врска со облеката што се прикажува. Оваа функција може да се користи во многу различни ситуации. На пример за добивање совети за шопинг или за техничка помош, со цел да се направи интеракцијата со вештачката интелигенција поинтуитивна и попрактична, овозможувајќи и на вештачката интелигенција да „гледа“ и да „разбира“ контекст од екранот на корисникот.
Gemini Live со видео
Gemini Live со видео им овозможува на корисниците да комуницираат со Gemini во реално време преку видео стрим. Тоа значи дека Gemini може да „гледа“ што се случува во видеото додека тоа се репродуцира. Корисниците можат да му поставуваат прашања на Gemini, а вештачката интелигенција ќе обезбеди одговори врз основа на она што го гледа во видеото.
Google даде пример во кој корисник со помош на функционалноста праша за совети за глазура за својата глинена вазна. Gemini може да анализира бои и текстури во видеото и да обезбеди соодветни предлози. Оваа функција може да се користи во различни ситуации, од добивање совети за уметнички проекти до помош за поправка во реално време, и исто така може да биде употреблива во разни ситуации кога е потребно визуелно препознавање и анализи.
Накратко, Gemini Live со споделување на екран и со видео го подобруваат начинот на кој корисниците можат да комуницираат со Gemini, овозможувајќи и на вештачката интелигенција да обезбеди порелевантни и контекстуални одговори. Двете функицоналности треба да бидат достапни за корисниците во март.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
