Во 17:45 часот по македонско време во Сан Франциско ќе започне I/O конференцијата на Google. Потврдено е дека ќе биде претставен помали надоградби на Android, можеби и Google Play Games, нови мапи од Google и секако ќе видиме повеќе за Google Glass. Картите кои се продаваа по цена од 900 долари се распродадоа за помалку од еден час, додека ние што не можеме да приствуваме на настанот, ќе мораме да се задоволиме со онлајн стримовите.
Онлајн преносот започнува во 18 часот во среда со воведот за конференцијата, додека во четвртокот ќе започне од 19 часот. За во петокот сѐ уште нема најави за пренос на сесиите од тој ден. Инаку, покрај стандардните предавања и работилници, на стримот ќе бидат пренесувани и ексклузивни интервјуа, отпакување на продукти и демоа. До стримовите ќе може да се пристапи директно од страницата на I/O, а целосната програма за настанот е достапна овде.
[youtube]9pmPa_KxsAM[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
