BitTorrent ја објави бета верзијата на популарната апликација за симнување, uTorrent за Android. До сега над 150-те милиони корисници можеа само далечински преку мобилен да го контролираат симнувањето на десктоп верзијата на uTorrent. Но, со Android апликацијата корисниците ќе ги добијат сите познати функционалности како лимитирање на сообраќајот и претплата на RSS фидови. Како и кај десктоп верзијата, симнувањето преку uTorrent е оптимизирано да не пречи на сурфањето на мобилен, секако ако не претерате со бројот на конекции по торент.
Но, знаејќи ја цената и лимитот на мобилниот интернет во Македонија, можеби и не е паметно да се користи оваа апликација освен ако не сте на домашна WiFi мрежа. Доколку сте, сигурно може да си сименте музика или филм за да гледате на својот телефон било каде и да сте.
Што се однесува до iOS верзија, BitTorrent вели дека во моментот ќе се сконцентрираат на Android корисниците, додека iPhone и iPad корисниците можат да го користат далечинското контролирање на десктоп верзијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
