Управувајте го компјутерот со вашиот глас

Гласовно управување со компјутерот е далеку од новитет, но она по што се разликуваат таквите асистенти денеска е поголема флексибилност во разбирање и извршување на комплексни команди. Иако со последното надополнување за Windows 10, Cortana стана уште подобра, милозвучната асистентка, и понатаму одбива да ја послуша вашата гласовна команда за исклучување, рестартирање или одјавување од системот.

Agnitio е релативно нов програм кој од март наваму успешно се поставува како солидна алтернатива, не само за Windows 10, туку и за 7 и 8. Покрај послушно извршување гласовни команди за исклучување и одјавување, Agnitio успешно се покорува и на барањата за покренување системски алатки како Notepal, Command Prompt, Disk Cleanup или Event Viewer. Згора на ова, лесно ќе можете и да вклучите некој од популарните прелистувачи, како Chrome, Firefox, Opera, Edge или Internet Explorer,  и да започнете гласовни пребарувања. Најновата верзија, од 20.мај, ви дозволува да покренувате и плеер за музика, имплементира напредни безбедносни филтри за блокирање несоодветни содржини и исправа багови.

Agnitio тежи скромни 1.4MB и е моментно во бета развојот

Во поглед на „недостатоци“, би ја истакнале неможноста гласовно да се затворат претходно отворените прозорци, како и немање поддршка за вметнување ваши дополнителни команди. Згора на тоа, одредени корисници изјавија загриженост за преголемата осетливост која на моменти знае да отвори јазичиња за прелистување или пак да започне процес на исклучување на компјутерот, иако вие сте во сред работа, а тоа никако не сте го побарале. Со оглед на тоа дека програмот е релативно нов и сè уште во бета, поголемиот дел од забелешките би можеле целосно да бидат искоренети во иднина.

Добивај известувања
Извести ме за
guest
0 Коментари
Inline Feedbacks
View all comments