Трите клучни работи кои се бараат од корисниците при избор на прелистувач е приватност, безбедност и брзина. Ulaa е прелистувач кој може да се пофали со сите три имплементации.
Достапен за компјутер или Аndroid односно iOS напојувани направи, Ulaa се залага да ја издигне вашата работа онлајн на повисоко ниво и да понуди поголема заштита на приватноста и вашите лични податоци. До таквото нешто се доаѓа со интегрирани алатки кои блокираат следење, надгледување, пласирање огласи и други злоупотреби на приватноста.
Со Ulaa, на располагање имате бројни теми, можности за изолација на податоците, и димамично скокање низ различни прелистувачки режими, во зависност од вашите моментни потреби. На располагање ги имате следниве модови: работа, девелопер, инкогнито, личен и детски мод. Секој од режимите се одликува со уникатни теми, соодветни алатки и одредени параметри за да полесно го сработите планираното.
За пофалба се и таканаречените паметни јазичиња кои ви дозволуваат подлабоки визуелни и функционални прилагодувања. Како дел на самиот прелистувач, имате на располагање и алатка за снимање на екранот, како и notebook за обединување на сите ваши забелешки.
Доколку не сте задоволни со вашиот моментен прелистувач,а отсекогаш сте сакале безбедност на воен степен, тогаш Ulaa е прелистувач кој би можеле да го ѕирнете!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
