Група Украинци креираа проект кој ќе и помогне на државата полесно да ја следи состојбата на границата со Русија. Станува збор за беспилотни летала кои ќе патролираат по границата, а за првите 10 дронови со краудфандинг се собрани околу 36.000 долари или 418.780 украински гривни.
Беспилотното летало ќе може да надгледува зона со радиус од 25 км притоа движејќи се со брзина од 120 km/h. Леталото ќе може непрекинато да лета во период од еден час. Предности на ваквото набљудување на границата се: точност при лоцирање на координатите на метите; можност за континуирана промена на координатите во текот на летот; можност за брзо испраќање на леталото на проблематичните локации; тежок за забележување и тежок за напад со традиционалните средства како против-воздушна одбрана.
Ова не е единствен проект на Минстерството за одбрана на Украина за кои бараат помош од јавноста. Војската на Украина и покрај буџетото од 1,9 милијарди долари има проблем со финансиите, па почесто бараат помош од граѓаните. Добар дел од финансиите се собираат на сајтот Narodniy.org.ua каде беше поставен и проектот за беспилотните летала.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
