Учењето јазици е исклучително корисна работа, но таквото нешто знае да биде предизвик за повеќето. Токму поради тоа, со помош на технологијата и преку инвентивни и модерни пристапи, полесно може да се впие нов јазик.
Influent е една таква апликација која е, всушност, во форма на игра. Имено, јазикот го учите така што се движите во тродимензионална околина и допирате најразлични предмети за да ги откриете зборовите за нив во одреден даден јазик. Па така, точно можете да видите како се пишува некој збор, но и да чуете како се изговара истиот.
Influent веќе подолго време е достапен на Steam, но, сега и за Android, односно iOS. Иако на iOS има солидна оценка, на Android е малку поразлична работата. Како една од главните причини за тоа е имање многу мал број бесплатни јазици, попрецизно, има само три: француски, италијански и корејски. За сите останати јазици потребно е да платите, што на поголемиот дел од корисници не им се допаѓа.
Influent ние ја препорачуваме само доколку сакате да ги отпочнете чекорите за учење или проширување вокабулар. За се останато, како формирање и правилна употреба на зборовите во реченици, потребна ви е друга, посодржителна апликација.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
