Twitter објави дека за прв пат во своето постоење забележа заработка во некој квартал. „Четвртото тримесечје беше силен финиш на годината“, вели Џек Дорси. Профитот во последните три месеци на 2017 година е 91 милион долари.
I’m so proud of the @Twitter team. We did what we said we were going to do. Our focus and self-discipline continues to improve. Thank you team! And thanks to all of our shareholders for the patience and support. 2018 is going to be a great year.
— jack (@jack) February 8, 2018
Со оглед на тоа колку долго постои микро блогот, речиси е неверојатно дека првото тримесечје со заработка го забележува сега. Сепак, дури ниту контроверзиите за влијанието на друштвените мрежи на изборите во САД не ги спречија акциите на Twitter да растат. По објавувањето на веста за профитаблно тримесечје акциите скокнаа 20%.
Она што е интересно е дека бројот на корисници на Twitter стагнира последниов период. Сепак 330 милиони корисници и не се незначајна бројка. Друштвената мрежа го освои она што може да се освои од пазарот во САД, вели Recode. Слично како и од некои други компании и Twitter најголем дел од заработката ја забележува во САД. Иако се само 68 милиони корисници, на овиие корисници отпаѓа половина од приходите за маркетинг.
