Twitter тестира нов дизајн за профилите со кој профил сликата и кратката биографија се во горниот лев агол за да остапат место за тајмлајнот со поистакнати фотографии и постови. Според тоа што може да се види, редизајнот наликува повеќе на нешто што би очекувале од Google+ и Facebook, а не од Twitter кој до сега се истакнуваше со својата едноставност.
Дури и како јавна компанија под притисок да генерира приходи за своите инвеститори, во време кога растот во бројот на корисници се успорува, вредноста на Twitter не е во дувањето на дигиталното его на корисниците, кои ќе се истакнат со своите приказни и фотографии, туку вредноста ја има во брзото информирање и споделување релевантни информации. Затоа се надеваме дка се работи за експеримент кој нема да биде пуштен јавно. Mashable, кој прв објави за редизајнот, пишува дека не е чудно друштвената мрежа да тестира редизајни за своите услуги со мал број на корисници, пред да ги промени, поправи или комплетно отфрли дизајните. Новиот дизајн се тестира и со некои македонски корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
