Сервисот за микро-блогирање најави дека твитерџиите ќе можат да си креираат персонализиран тајмлајн според теми и хаштагови. Twitter ќе го отвори и своето API за да може програмерите да ја понудат оваа фунцкионалност во своите апликации. За почеток можноста за креирање персонализиран тајлмајн ќе биде достапна само преку TweetDeck клиентот. Aко се покаже како корисна функционалност, ќе биде додадена и на другите мобилни и веб апликации.
Twitter вели дека „денес претставуваме тајмлајн кој ќе ви даде поголема контрола“ во организирање, следење и објавување на твитовите. Налик на правење листи, корисниците ќе можат да си изберат кои твитови да се појавуваат во јавниот тајмлајн кој ќе може да се креира рачно или автоматски според интересите, темите и хаштаговите. Целта е да се дојде до најрелеватните твитови за корисниците. Пример за персонализиран тајмлајн е Twitter Music, во кој се прикажуваат твитови од популарни музички артисти.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
