{mosimage}Иако 250.000 долари се само четвртина од милионот кој беше цел на Twestival, сепак оваа сума значи чиста вода за 17.000 луѓе во Индија, Уганда и Етиопија за наредните 20 години. „Се разбира twestival е сеуште краток до стигнување на нашата цел да собереме 1 милион долари, но кампањата не завршува тука“ напиша Аманда Роуз во својот пост на Mashable.com.
Тоа што е важно за Twestival е што беше искористен сервисот за микро-блогирање за кампањата и што се добија одлични резултатити, и покрај тоа што целта не беше достигната за определеното време.
250.000 долари значат 55 проекти во 3 земји и чиста вода за 17.000 луѓе, што е фасцинантно од фестивал кој започна со еден твит на 8 јануари со кој се покануваа сите локални Twitter заедници да учествуваат на Twestival и да се дружат „офлајн“. Од само еден твит Twestival стана глобален настан со журки во скоро 200 градови низ светот, подолу има мапа од градовите.
Парите ќе одат на добротворната организација Charity:Water кои на нивниот сајт ќе ја објават сумата која е соберена од секој град. А во април ќе почне првото копање на бунари во Етиопија.
Претходно кога пишував за Тwestival напишав дека фестивалот има за цел да собере 20.000 долари, што е грешно, бидејќи таа сума беше планирана да се собере само од продажбата на MP3 песните на поканетите музичари. Сега тоа е поправено :), а други начини покрај донации за збирање на парите се продавање на маици и преку аукции на еBay.
