Платформата за блогирање Tumblr усвои една од функционалностите кои со години наназад се достапни на најпопуларнитe друштвени мрежи. Сега во секој пост на Tumblr ќе може да споменете корисник користејќи го @ симболот за да линкате до неговиот профил. Бидејќи Tumblr е платформа каде се реблогираат најинтересните постови, ваквото @споменување ќе им користи на сите за да ги испромовираат и најинтересните блогери. Сите споменувања ќе се појават во корисничкиот Activity Page како нотификација.
Тоа што е интересно е прашањето зошто на Tumblr му требаше толку време да прифати опција која на Twitter, Facebook, Instagram, и дури LinkedIn, е веќе задолжителна за комуникација и промоција на профилите. Можеби одговорот e дека Yahoo, од неодамна сопственик на Тubmlr, предводен од Мариса Маер, има за цел да ги направи сите свои сервиси да бидат модерни, кул и привлечни за помладата публика.
