Тимот од WebFactory кој работи нa Pendulibrium помеѓу најдобрите на „Featured Prediction Competition“

Avatar img-thumbnail img-circle

во feature, ИТ.МК

Image courtesy of WebFactory / Facebook

Тимот од WebFactory кој работи на Pendulibrium е помеѓу најдобро пласираните на Featured Prediction Competition во организација на Santander Bank. Симона Иванова, Давид Симеоновски и Илија Лалковски на натпреварот се пласираа во најдобрите 2 проценти и со тоа освоија сребен медал.

Предизвик во натпреварот беше да се предвиди кои корисници на банката ќе направат специфични трансакции во иднина.

На натпреварот учествуваа 9 038 тима од Kaggle заедницата и секој од тимовите се обидуваше да креира алгоритам кој најточно ќе предвидува. Натпреварот се одржуваше последниве два месеци и остана уште само официјално да се потврдат и резултатите.

Pendulibrium е посебен сектор во Web Factory. Секторот е фокусиран на примена на Artificial Intelligence и Machine Learning во финансискиот сектор, за подобра анализа и предвидување врз основа на финансиски извештаи. Pendulibrium доби и грант од Фондот за иновации и технички развој.

Web Factory е основана во 2009 година и примарна дејност на компанијата е развој на софтвер. Изработуваат целосни решенија од самото дефинирање и смислување на продуктот до негова целосна реализација (mobile, web, backend) и пласирање на пазарот. Работат во повеќе различни сектори меѓу кои здравство, финансии и услужни дејности.

Добивај известувања
Извести ме за
guest
1 Коментар
Најнови
Најстари Со највеќе гласови
Inline Feedbacks
View all comments