Утрински Весник, Дневник и Вест веќе не сакаат нивните линкови да бидат споделувани од најпопуларниот-во-моментов .мк сајт, Time.mk. Весниците издавани од Медиа Принт Македонија, ќе го следат примерот на Сител, Канал 5, Netpress, Курир.мк и др., и ќе се повлечат од aгрегаторот за вести.
Причината е повторно пари. Медиумите бараат надоместок за нивните линкови да бидат агрегирани на Time.mk. Сумата која се бара е околу 5.000 евра, открива основачот на Time.mk, Игор Трајковски во твит.
МПМ (утрински, дневник, вест) се аут. иста цифра ко канал5 и курир, ни појќе ни помалку, 5000 еур месечно.
— Igor Traikovsky (@mkrobot) February 15, 2012
Претходно пишав за влијанието на агрегаторите на вести, од аспект на читателот, што му олеснуваат да најде објективни вести, и од аспект на медиумите кои добиваат поголема публика од споделените линкови.
Тоа што останува интересно во целава приказна е што сите овие .мк медиуми се повлекуваат само од Time.mk, но не и од другите два агрегатори на вести Daily.mk и Вуквар.мк. За Daily.mk од Канал 5 ни кажаа дека и тие како Time.mk немаат право да агрегираат содржина, и најверојатно ќе добие иста отпорност од медиумите.
Но, со Буквар.мк е комплетно поинаква приказна бидејќи овој агрегатор има договор со медиумите, барем со Канал 5, по тоа што ни беше потврдено. Уште поинтересно е што Буквар.мк започна да се рекламира и тоа на сајтови кои сè уште се на Time.mk.
Што се однесува до Time.мк, основачот Трајковски вели дека „бунтовните“ медиуми ќе добијат специјален третман.
работам на специјален третман за бунтовниите. не е готово. ќе треба да си ги затворат сајтовите ако сакаат да ги нема на #timemk
— Igor Traikovsky (@mkrobot) February 15, 2012
Од овој момент Time.mk работи рачно. Не користиме crawleri (ботови).
— Igor Traikovsky (@mkrobot) February 15, 2012
Форматот е следен: прва линија: Наслов, втора линија URL. Subject se ignorira. Времето се зема од емаилот.
— Igor Traikovsky (@mkrobot) February 15, 2012
Коментари
25 коментари
Коментарите се затворени.