Друштвените мрежи наскоро би можеле да имаат поголем проблем. Расте бројот на инженери и лидери од Силициумската долина кои не се љубители на друштвените мрежи. Најново лице на оваа листа е директорот на Apple, кој неодамна откри дека не е воодушевен од користењето на друштвените мрежи од помладите.
„Немам деца, но имам внуци на кои им поставив некои граници. Има некои работи кои не можам да ги дозволам. Не сакам да бидат на друштвените мрежи“, вели Тим Кук.
Дополнително, не е вљубеник во ниту една технологоја во која може да стане опсесивен. Интересно, иако г. Кук е директор на компанијата која ги произведува уредите околу кои има најголем култ, тој вели:
„Не верувам во прекумерно користење на технологијата. Не сум човек кој смета дека за да постигнеш успех мора да користиш технологија постојано“.
Друштвените мрежи, пред се Facebook, имаат посериозни проблеми во последниот период. Прекумерното користење, ширењето на лажните вести и пропаганда, но и креирање на огромни поделени блокови на корисници се дел од нив.
