Пред околу 6 месеци првата видеоигра на македонското студио Furious Avocado, Tie Dye успеа да надмине 60 милиони преземања. Сега само неколку месеци подоцна, надминати се и 100 милиони преземања. Со ова Tie Dye ја помести границата на својот рекорд. Бројката од 100 милиони преземања е уште поимпресивна со оглед на тоа дека станува збор за прва игра на студиото.
Tie Dye е супер едноставна „hyper-casual“ видеоигра. Во текот на играњето играчот креира шари/декорации за маици, костими за капење, торби за плажа и слична облека, и ја надградува својата „продавница/работилница“ во играта. Furious Avocado постојано ја развиваат и надополнуваат играта што придонесува за огромниот интерес.
Студиото постои нешто повеќе од година и пол кога Наум Михајловски, Иво Нешковиќ, Бобан Стојчевски, Дамјан Михаилов, Томи Џуровски и Марио Ампов официјално започнаа да работат на сопствени игри. До бројката од 60 милиони корисници дојдоа за само четири месеци по издавањето на играта.
Tie Dye е достапна на двете најголеми продавници за апликации:
