Целта на играта е да го избалансирате приватниот и професионалниот живот на Ден Каплан, писател кој работи на најважната книга во кариерата. Ако го оставите Ден постојано да пишува ќе страдаат неговиот однос со г-ѓа. Каплан и со син му. Ако се посветите на некоја од работите другите две ќе страдаат, па ќе биде потребно да го пронајдете совршениот баланс за да го направите Ден успешен. Но играчот не го контролира Ден, наместо ова играте со дух кој живее во куќата, можете да набљудувате или да манипулирате со настаните. Покрај ова во текот на играњето мора да останете незабележителни, за да не ги исплашите Ден и неговата фамилија.

„Играта нема победа или пораз, ја играте и ја добивате приказната и мојата надеж дека во било кој од деветте начини на кои може да заврши играта, си ги поставувате истите егзистенцијални прашања, дека почнувате да го осознавате сопствените вредности…“, вели креаторот на играта во интервју за Kotaku.

Ако сте заинтересирани веќе може да ја нарачате играта која е во претпродажба. Таа чини 15 долари, а по се изгледа дека во Македонија играта ќе биде достапна по издавањето и тоа единствено преку Steam. The Novelist ќе биде достапна пред крајот на летото.

[youtube]_l9X0C7lRdc[/youtube]